أخر الأخبار

  • بشرى ساره ..مستشفى ادم الدولى ببنى سويف

    بشرى ساره ..مستشفى ادم الدولى ببنى سويف 08 Aug 2018 تم بفضل الله افتتاح فرعنا بمحافظة بنى سويف وذلك لخدمة اهلنا بالصعيد وتخفيف عليهم... المزيد

انضم إلى نشرتنا الإخبارية

نجاحنا

جميع المرضى

 

( 58 ) %

نسبة النجاح لحالات الـ (Frozen Embryo)

( 62 ) %

نسبة النجاح لحالات الـ (Fresh Embryo)

قالوا عنا

ارسلت الينا هذه المريضه بعض من مشاعرها على هيئة زجل يحكى خطوات يوم العملية والتى قالت انها نشرتها فى بعض المواقع الخاصة :

صباح الفل والورد والياسمين
، على اللى صاحيين
واللى لسه نايمين ،
انا صاحيه النهارده وكانى عروسه يوم الصباحيه ،
عشان امبارح كنا فى احسن مستشفى فى الدنيا وعملنا العمليه ،
وانتو اول ناس كنت عاوزه اقولهم بس هما رخمين ومشددين قوى ورفضو يخلوا معايا التليفون ولا عندهم واير لس !!!ههههه

واليكم التفصيل : حضرنا الصبح وكنا اول ناس ، وليه لا ما احنا اصلا مانمناش
روحنا المبنى الرئيسى ، جميل ونظيف ،ونور خافت وناس
نده الموظف علينا ، من دون الناس اللى حوالينا
ولما اتاكدو من البطاقات ، طلبوا الكارت اللى فى ايدينا
وحسب وابتسم وقال هات ، نفس الفلوس اللى قالوها لينا
وفرز وعد وقال تمام ،،،،،،، قلنا ياااااااااارب اخلف علينا
ضحك جوزى وقاله يا اخى الدنيا اتغيرت ، مافيش حاجه ببلاش

ولقينا قمر ست البنات ،،،،،،،،اهلا اتفضلوا وباسامينا
دخلتنا لطبيب الرعايه ،،،،،،،، ادب وذوق والاخلاق ايه
شرح لنا كل الحاجات ،،،،، وكل الحقوق اللى لينا وعلينا
هنعمل العينه اولا للزوج ، والزوجه هنا بالغرفه تشرفينا
ممكن تسبوا حاجتكم بالامانات ، قلنا حتى الدبله اللى فى ايدينا ؟
ابتسم الجميع ، وقلنا خير ،،،،،و قادر ربنا يكرمنا ويدينا
خدو جوزى.. وانا ماشية وراه ... بيبصلى والدمعه ف عنينا
قلت للملاك اللى ماشيه معاه ، خدو بالكو منه ، ولما يخرج تفرحينا

المكان جميل ويشفى العليل . بس منين اجيب الصبر يداوينا
وحسيت ان الوقت ممل طويـيييييل ،،، يارب تكرمنا وتهون علينا
والبنات هنا فى الدور مبتسمات وهاديات والكلام فقط.... دعاء لينا
قالولى خلصت العمليه ، قلتلهم هاتوه ليا ، وحشنى نور عينيا

قعدنا نبكى ونبتهل ،، يارب يارب ترحمنا وتهدينا
وكمل جميلك ، دا احنا ما لنا غيرك ، تطعمنا وتسقينا

ومرت الساعه وكانهم ساعتين ، ودخلنا فى التالته وعينى على الباب
مستنين يفتح علينا ، يكرمنا ويشفينا ،،،،،، ويقبل مننا الاسباب

وفجاه دخل شاب ، ربنا يحرسه ،، وبابتسامه الجميله بشرنى
قالنا مبروك ،(لقينا عدد بفضل الله )، انا قلت لجوزى فوقنى !!
نادى على القمرات ، جهزوها يا بنات ، وقال للريسه تذوقنى

وبعد ما غيرت سترونى على التروللى ربنا يسترهم
نظام واهتمام وعلم وابتسام ،،و مين كدا غيرهم
شعارهم ان عملهم امانه ،،،وربنا مطلع و شايفهم

وفى جناح العمليات ، دنيا غير الدنيا
كلهم خلايا نحل ،، يحميهم ويجبرنا

سألونى عن التخدير ؟ ،، قلت والله ما حسيت
سألونى عن النظافه ؟،، قلت كاننى فى البيت
سألونى هتسمى ادم ؟ .. قلت ياريت ,, ياريت

وبعد الشفط ، فوقونى من البنج وعلى غرفتى ودونى
من الفرح بمسح دمعتى ،،وبالراحه ع السرير نقلونى
وجوزى راح ضمنى وحضنى وقالى نورتى يا عيونى
قالى تعالى ندعى ربنا ، يكملنا . وراح بايسنى ف جفونى
قلت يارب واللى زينا ، وبيحبنا ، او حتى اللى جرحونى
ويا رب اكرم من كان السبب ، ولهذه المستشفى دلونى

ملحوظه ( جوزى عمال يتريق عليا لانه شاعر ، قلت له مالكش دعوه عاجبه اصحابى )
عاواكو بقى تفرسوه ... السلام عليكم

هذا شكر المريض بعد الرد عليه عن طريق الايميل

From: wael elsharif [mailto:waelidi@live.nl]
Sent: Saturday, August 02, 2014 1:57 PM
To: adam test
Subject: السلام عليكم

انا وائل مصري الجنسيه مقيم ببلجيكا أودّ ان اسأل عن التحاليل المطلوبه لعملية اختيار نوع الجنيين بالنسبه ليّ وبالنسبة لزوجتي وانا ان شاء الله نازل 15 سبتمبر وانا عرفت من احدي الدكاترة عندكم انه يمكن عمل التحاليل وإرسالها لاطلاع اللجنه الطبيه عليها وتحديد موعد لآني انا عندي مشكله في الاجازه معنديش وقت كتير انا سأرسل لكم التحاليل بالفاكس ومراتي هتعملها تاني يوم من الدروه هي هتعلها في مصر وانا هيعملها هنا في بلجيكا أرجو إرسال اسماء التحاليل واضحه ورقم الفاكس أرجو سرعة الرد شكرًا لاهتمامكم . وائل الشريف بلجيكا

بصراحه شكرًا جداً وشكراً للرقي في اللغه لسه فيه حاجه حلوه في مصر الواحد يفكر يرجع علشانها بجد شكرًا لاهتمامَكَ شكرًا لاهتماِمكِ

© 2014 جميع الحقوق محفوظة. مستشفى آدم الدولي. تم التطوير بواسطة